2018 жылдың 22 ақпан күні "Туған жер" бағдарламасының шеңберінде "Туған жер.Экология.Мен" ғылыми-практикалық конференциясы, 23 ақпан күні "Тұрақты даму үшін экологиялық білім бойынша балалар бизнес - жобасы байқауы өтеді.

«Тәрбие және білім» бағдарламасының аясында оқушылардың психологиялық ой-өрісін, ойлау қабілеттерін дамыту, өз ойларын еркін жеткізе білуге үйрету; табиғатқа деген сүйіспеншілікке, барлық тіршілік иесіне құрметпен қарауға, экологиялық мәдениет қалыптастыру мақсатында 2018 жылдың 12 ақпан күні "Жүректен жүрекке" экологиялық қайырымдылық акциямыздың жалғасы Зерде бұзылыстары бар балаларға арналған арнайы облыстық мектеп-интернаты базасында өтті. 

Бүгін Облыстық экологиялық - биологиялық орталығының жұмыс жоспарына сәйкес «Туған жер» бағдарламасының аясында балалардың табиғатқа деген сүйіспеншіліктерін, барлық тіршілік иесіне құрметпен қарауға, экологиялық мәдениетін қалыптастыру мақсатында «Жүректен жүрекке» экологиялық қайырымдылық акциясы Облыстық есту және сөйлеу қабілеті бұзылған балаларға арналған мектеп – интернат кешенінде өз жалғасын тапты.

Облыстық  экологиялық - биологиялық  орталығының  2018  жылғы жұмыс жоспарына  сәйкес «Жүректен жүрекке» экологиялық қайырымдылық акциясы өз жұмысын бастады. Бүгін 6 ақпан күні Облыстық көру қабілеті бұзылған балаларға арналған мектеп - интернатында «Жүректен жүрекке» экологиялық қайырымдылық акциясы аясында облыстық экологиялық – биологиялық орталығының педагогтары оқушыларға жануарлар әлемімен таныстыру мақсатында фильм көрсетіп, «Экоквест» ойынын және бөлме гүлдерін күтіп – баптауға арналған шеберлік сыныбын өткізді. Мектеп оқушыларымен қатар тәрбиешілері де бүгінгі акцияға жоғары қызығушылықпен қатысып, үлкен белсенділік танытты. Акция алдағы уақытта да өз жалғасын табады.

2017 жылдың 24 желтоқсан күні облыстық экологиялық – биологиялық орталығының үйірме мүшелеріне арналған жаңа жылдық мереке өтті. Оқушылар әр түрлі жаңа жылдық костюмдерін киіп, шырша айналып, Аяз ата мен Ақшақарға өнерлерін көрсетті. Теледидардан тамашалап жүрген «Миньондар» мен «Спанч боб» мультфильм кейіпкерлері жаңа жылдық мерекеге келіп, балаларға позитивті көңіл – күй сыйлап, ойындар ойнатып, мерекенің көркін келтірді. Соңы би кешімен жалғасып, балалар көтеріңкі көңіл – күймен тарады.

Облыстық экологиялық – биологиялық орталығының  2017 жылғы жұмыс жоспарына сәйкес 22 қараша № 51 бұйрығына сәйкес  жас ұрпаққа Рухани жаңғыруды сипаттау және патриоттық сананы ынталандыратын ұлттық құндылықтарды жаңғырту, оқушылардың бойында  ұлттық сананы ояту, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру мақсатында 29.11.2017- 15.12.2017 аралығында бірнеше мерекелік іс – шаралар жоспарланып өткізілді.