Бүгін Облыстық экологиялық - биологиялық орталығының жұмыс жоспарына сәйкес «Туған жер» бағдарламасының аясында балалардың табиғатқа деген сүйіспеншіліктерін, барлық тіршілік иесіне құрметпен қарауға, экологиялық мәдениетін қалыптастыру мақсатында «Жүректен жүрекке» экологиялық қайырымдылық акциясы Облыстық есту және сөйлеу қабілеті бұзылған балаларға арналған мектеп – интернат кешенінде өз жалғасын тапты.

Оқушыларға құстар туралы фильм көрсетіліп, қызықты жұмбақтар жасырылды. Әрі қарай балалар өз қолдарымен «Құс кафесі» деп аталатын қыстап қалған құстарға арнайы жемсауыт әзірлеп, оларды ағаштарға ілді. Балалар акцияға үлкен қызығушылықпен қатысқандары сонша, жемсауытты ілгеннен кейін құстардың қонғанын күтіп, оларға өз қолдарымен тамақ салды.